English Translation
Ko Te Āti Awa ki Whakarongotai, ko Ngāti Raukawa, ko Ngāti Toa Rangatira, me ō rātou whānau, ō rātou hapū te tāngata whenua o te rohe. I ngā tau 1820 ki 1830 i nōhia tūturuhia e rātou te rohe nei, me te aha, nā rātou hoki i waitohu te Tiriti o Waitangi ki ngā wāhi e whai ake nei: ki runga i te kaipuke “The Ariel”, ki Port Nicholson i Pōneke (i te 29 o Paenga-whāwhā 1840), ki Queen Charlotte Sounds (i te 4 o Haratua 1840), ki Rangitoto (d’Urville Island, i te 11 o Haratua 1840), ki te moutere o Kāpiti(i te 14 o Haratua 1840), ki Waikanae (i te 16 o Haratua 1840), ki Ōtaki (i te 19 o Haratua 1840), ki Manawatū (i te 26 o Haratua 1840), ki te moutere o Motungarara (i te 4 o Pipiri 1840), ki Guards Bay me Cloudy Bay (Te Koko-a-Kupe i Te Tau Ihu i te 17 o Pipiri 1840), ki te moutere o Mana (i te 19 o Pipiri 1840), ā, ki te moutere anō o Kāpiti (i te 19 o Pipiri 1840).
Ahakoa e kī ana ngā pukapuka hītōria he iwi haumi mātou ki a mātou anō, arā noa atu ō mātou whanaungatanga; he mea tūhono mātou e ngā tātai whakapapa. Nā reira mai i taua wā, ā, mohoa noa nei, kei te whakamahia tonutia e te tāngata whenua tōna anō Kaitiakitanga.
Mai i te taunahatanga ō mātou ki te rohe nei me te whakatūnga o te Kaunihera i te rohe i muri noa mai, kua mahi ngātahi ki te whakahiato i tō mātou whakahoatanga me te Kaunihera mā te Whakahoatanga Manatū 1994. He mea arotake, waitohu anō hoki tēnei Whakahoatanga Manatū i te tau 2008. Mai i tēnei whakahoatanga kua hua mai ko Te Whakaminenga o Kāpiti, he taumata whakatau ā ngākau kotahi, mahi tahi hoki mō ngā take matua e whakaae tahitia ana.
Ko te Kaitiaki me te Kaitiakitanga
Ko tēnei mea te kaitiakitanga e whakaatu ana i te tōpūtanga tikanga, ko tōna whāinga he tiaki i te mauri o ngā tāonga māori me ngā tāonga kiko. Nō roto mai o te kaitiakitanga i heke iho mai i ngā tūpuna, ka riro mā ngā uri whakatupu ngā kawenga o te manaaki me te tiaki i te mauri o tō rātou ao tūroa. Ko tō te kaitiakitanga anō herenga kia hua mai he oranga mō ngā uri whakatupu. He mea paihere te Kaitiaki/Kaitiakitanga ki te tino rangatiratanga, inā rā, mā te whānau, mā te hapū, mā te iwi nōna te mana whenua i ō rātou rohe e whakatau te kaitiakitanga.
Mana whenua of the Kāpiti Coast District are pleased to enjoy an ongoing and productive relationship with Council since 1994, through the Memorandu...
The tāngata whenua base their vision on four main principles - Whakawhanaungatanga/Manaakitanga, Te Reo, Kotahitanga, Tino Rangatiratanga.
Te Whakaminenga o Kāpiti Is one of the longest lasting partnerships between tāngata whenua and Local Government in New Zealand.
The Confederation has a population of about 40,000 that is inclusive regardless of district boundaries.