He Kupu Nā Te Tāngata Whenua - A message from Tāngata Whenua

English Translation

E uruhau ana te mana whenua o te rohe o Kāpiti i te hononga whaihua e haere tonu nei me te Kaunihera mai i te tau 1994, nā te Whakahoatanga Manatū.  Nā te mea he hononga mahi tahi, ka whai kia uru atu ki te Mahere Tawhiti Whakamua a te Hapori o te Kaunihera, arā, te taha kōrerorero.  Kei ngā whārangi 15 ki te 18 o tēnei tuhinga e whakaahuatia ana te roanga o ngā āmikitanga o te kitenga takamua a te mana whenua mō te Rohe, arā ōna kaupapa, te Kaitiakitanga, te Whakawhanaungatanga, te Manaakitanga, te hiranga o Te Reo, te Kotahitanga me te Tino Rangatiratanga.

Ko te oranga o te LTCCP e whakamārō ana taea noatia te tekau tau kei mua.  Ahakoa he nui ngā tumanako i tutukingia e te mahi tahi a te Kaunihera me ngā iwi, arā atu anō ngā tino taki kei mua i te aroaro.

He tāonga te wai, he rawa māori nui ki te mana whenua.  E matareka ana mātou ki ngā whakaritenga mō te whakahaere i tēnei rawa, ka mutu he whakaaro totoka, he whakaaro pū hoki ō mātou e pā ana ki te atawhaitanga me te tiakitanga.  He mea hira ki te mana whenua kia āta whakatautia ngā take tuku wai mō te rohe.  He take tūturu tēnei ki te whakawhanake i te taha whakahaere i te rohe o Kāpiti a meake nei. E whakahau ana hoki i ngā hononga mahi tahi nei ki te rapu oranga, ko te whakamahi wai i runga i te māia te taumata atu.

E anga whakamua ana tā mātou titiro ki te whakatipu i tēnei hononga ki te Kaunihera kia pakari, ka mutu, ka mahi tahi me te Kaunihera ki te whakahaere i te whanaketanga o te rohe mā te whai i tētahi tikanga matatū, ina hoki, he tikanga whaihua mō ngā rāngai katoa o te hapori.