What's On

Kāpiti Coast Airport - te reo

English

 

60 te Rori o Toru, Paraparaumu

Ko Paraparaumu Aerodrome te ingoa o mua o te Taunga Waka Rerenga o te Takutai o Kapiti.

Ko Rongotai te taunga waka rererangi matua o Pōneke i 1934.  Ko te tikanga ia, me whai tētehi atu taunga waka rererangi mō te tūpono pā mai o tētehi tūpuhi, ā, ko Paraparaumu i kōwhiria i 1938.  I whakaotingia i 1939, ā, i whakamahia hoki e te hunga hoia i te Pakanga Tuarua o te Ao.

Atu i 1947-1959, ko Paraparaumu te Taunga Waka Rererangi i reira te mahi a te tangata.  I nekehia a National Airways Corporation (NAC) i te wā i katia ai a Rongotai kia eke ai tōna kounga ki te taumata-ā-ao.

E rua ngā toronga o te whānau kīngi e HM Queen Elizabeth II me te Tiuka HRH o Edinburgh, i rere mai nei i te 9 o Hānuere 1954, me te rerenga atu i 16 o Hānuere 1954.

Ko ngā whakahaere a NAC i whakahokia atu  ki Rongotai i 1959, ā, i huringia a Paraparaumu hei ratonga waka rererangi whānui.

I 2006, i hokona te taunga waka rererangi o Paraparaumu ki ngā kaipupuri tūmataiti, i arahina hoki e Tā Noel Robinson, ā, i whakahoungia ngā ratonga.  I te 24 o Oketopa 2011, i whakatūwherangia te whakahoutanga ingoatanga Kapiti Coast Airport, arā ki Te Taunga Waka Rererangi o te Takutai o Kapiti
 
Ko ngā ratonga rerenga o te Taunga Waka Rererangi e whakahaeretia ana mai i te Pourewa Whakahaere, kei reira hoki te Ratonga Pārongo Rerenga.  He mea hanga te Pourewa Whakahaere i 1947.  Kua rēhitatia hei Category II Historic Place.  He tohu whenua nō Paraparaumu.

Ngā Whakaahua

Pāwhiria te whakaahua kia whakanui.