What's On

Whakarongotai Marae - te reo

English

 

2 te Ara o Marae, Waikanae

I 1850, i hangaia tētehi wharenui i raro i te whakahau a Wi Tako Ngatata-i-te-rangi, rangatira o Ngāti Tawhirikura, Ngāti Kura me Ngāti Hāmua, hapū o Te Āti Awa.  Ko Puku Mahi Tamariki te ingoa.  I whakatūria tūturungia i Tuku Rākau kei te rori o Te Moana me Greenaway i Waikanae.

I 1886 i tōia te wharenui ki te wāhi e tū nei ia ināianei.  I pēneingia, kia pātata ai ki te hapori e piki haere ana te tokomaha, ā, e noho huihui ana ki te raina rerewhenua me te piriti.  He mea tiki atu he Māori nō ngā iwi o te rohe hei kaimahi, ā, hei hāpai i te whakahoutanga.

I waenganui  i ngā tau 1970 me 1980 te wharenui i whakahoungia ai, arā, i whakapaingia te papa, i whakatūngia hoki he whare hou.  I 1984, i whakatūngia  ki te papa tētehi pou whakarae wahine e mau ana i tētehi manu mā, he rangimārie te tohu. Ko Te Puna o te Aroha te ingoa o te whakairo nei, “Foundation of Love”.  I tāraingia i Taumarunui, he kauri te rākau,  I tāpaengia e ngā uri o William Jenkins me tana hoa wahine a Paeroke, ā, i 1840 nāna hoki i whakatū tētehi Bush Inn i Te Uruhi, i te taha moana o Paraparaumu.

I ēnei rā, he wāhi whakawhāiti te marae i ngā mahi Māori o te tāone, ā-tikanga, ā-ahurea, ā-ōhanga, ā-tōrangapū hoki.

Ngā Whakaahua

Pāwhiria te whakaahua kia whakanui.