He Mahi Hararei Kura
Āwhinatia mātou ki te kimi i te Whānau Kauri i ēnei hararei!
Pohewatia te hau pūkeri e pupuhi ana i ngā Whare Pukapuka o Kāpiti, e maheutia nei ngā whārangi o te pukapuka nā Suzy Cato, The Kauri Family, ki te wī, ki te wā. Hono mai ki ngā Whare Pukapuka i a mātou e kimi nei i ngā whārangi ki ngā papa tākaro me ngā whare pukapuka!
Whāia te ara kōrero matihiko: 12-27 o Āperira
Hono mai ki a mātou! 10:30am–12pm
Whakamahia ngā waehere QR kia whai i te ara mā roto i ngā papa tākaro, e kitea ai ngā whārangi ā-ipurangi. Haria mai tō ake taputapu matihiko.
- Mane, 14 o Āperira - Whaitua o Otaihanga, Paraparaumu
Ka tīmata ki te tūru i te tūranga waka i te taha o te arawhiti -
Tūrei, 15 o Āperira – Te Papa Tākaro o Haruātai, Ōtaki
Ka tīmata i te papa kōrerorero i te papa tākaro -
Wenerei, 16 o Āperira – Te Māra Marine, Raumati Beach
Ka tīmata i te papa kōrerorero i te papa paratī -
Tāite, 17 o Āperira – Whenua Tāpui o Kaitawa, Paraparaumu
Ka tīmata i te papa poitūkohu
Me whai rānei i te ara kōrero i ngā wā e wātea ana koe!
Ka wātea te ara kōrero ki ēnei wāhi mō te roa o ngā hararei, nō reira, haria mai tō whanau, tō ake taputapu matihiko, ā, ka haere atu ki ngā wāhi tīmata ki ngā papa tākaro!
Ka whakatūria hoki he papa me ngā kōrero mō te Whānau Kauri i waho o Te Whare Pukapuka o Paraparaumu (i te reo Pākeha), i waho hoki i Te Whare Pukapuka o Ōtaki (i te reo Māori), e pai ai tō whai i te ara kōrero, e pānui hoki ai i ia whārangi ahakoa kāore ō taputapu matihiko.
Ngohe toi Rākau Kauri
Haere mai ki ā mātou ngohe toi, kia peitahia tō kararehe Rākau Kauri ake kua tapahia ki te pūrama.
10.30am–12pm
- Tūrei, 22 o Āperira – Te Whare Pukapuka o Waikanae
- Wenerei, 23 o Āperira – Te Whare Pukapuka o Paraparaumu
- Tāite, 24 o Āperira – Te Whare Pukapuka o Ōtaki
Ka whakaratohia e ngā whare pukapuka ngā mahi hararei kura e whai wāhi mai ai ngā tamariki katoa. Ko te whāinga, kia whai āhuru mōwai mō ngā tamariki matea rongorongo, waihoki, kia whāia te ara kōrero ā te wā e wātea ana.
Kia mōhio mai, me whai mātua ngā tamariki kei raro iho i te 14 tau te pakeke.
He aha atu anō ngā mahi?
Ka whakaratohia e ngā whare pukapuka ngā mahi hararei kura e whai wāhi mai ai ngā tamariki katoa. Ko te whāinga, kia whai āhuru mōwai mō ngā tamariki matea rongorongo, waihoki, kia whāia te ara kōrero ā te wā e wātea ana. Ka whakaritea he teihana hei mahi i tāu i pai ai ki ngā whare pukapuka o Paraparaumu, Waikanae, me Ōtaki mō te roa o ngā hararei. Ka whakaritea he wero, he ngohe hoki e hāngai ana ki te kauri, waihoki, he taonga hei wini. Nō reira, tirohia te wātaka, ā, ka aruhia ā-pūnaha kimi taunga nei ngā wāhi e huna nei ngā whārangi, me whai tētahi hīkoi kōrero, me uru rānei ki ā mātou mahi toi Kauri.