Te moutere o Kapiti me te Takutai o Paraparaumu

Papa Rēhia o Maclean, Takutai o Paraparaumu

E tū ana koe ki te pito o te kōrero tuku iho mō te rohe o te Moana o Raukawa me te rohe o Kāpiti. Kei waho atu, kei te moana te moutere o Kāpiti, ā, he mea tapa e James Cook ki te ingoa Entry Island.

I waenga i 1821 me 1822 nā Te Rauparaha i ārahi te iwi o Ngāti Toa i Kāwhia kia puta ai rātou i ngā patunga a Waikato. I 1823 i muri mai i ngā pakanga ki a Muaūpoko me Rangitāne, i haongia te moutere o Kāpiti e Te Peehi rāua ko Te Rauparaha. Ka hokongia he pū i ngā Pākehā tauhokohoko, ā, ka tere atu i Kāpiti ki tarawāhi atu o te Moana o Raukawa ki konā pakanga haere ai.

I ngā tau tōmua o 1830 ko te moutere me te taha tai o Kāpiti te nōhanga raupua taumarumaru mō ngā tohorā me ā rātou punua ka heke ana rātou, ā, he maha hoki ngā teihana tohorā e whakahaeretia ana i tēnei takiwā.

Nō 1886 i tīmata ai ngā whakahaerenga o te Raina Rerewhenua o Manawatū me Pōneke. Nā tēnei i mutu ai te huarahi matua o tātahi. Nā te huanga o te Rerewhenua ka whakatūngia te tāone o Paraparaumu.
I 1897 i hokona katoatia te moutere o Kāpiti e te kāwanatanga, hāunga te pito ki te raki i puritia hei wāhi tapu mō te manu. Ināianei he tini noa atu ōna manu, he kākā, he kererū, he takahē, he hihi, he kōkako, he kiwi me ētehi atu momo manu.

I ngā tau o te 1920 i hokona e Robert rāua ko Malcolm Maclean te takutai o Paraparaumu me ngā wāhi rori o Kāpiti. Ka wehewehengia ngā wāhi takutai o tō rāua whenua hei whakatauanga takutai.

Ngā Whakaahua

Pāwhiria te whakaahua kia whakanui.