Frances Hodgkins

English

Ko Frances Hodgkins(1869-1947) tonu te tino ringa rehe toi o Aotearoa e mōhiotia whānuitia ana, e kaingākaungia ana hoki.  Ko āna mahi toi me ngā kōrero mō tōna whanaketanga hei ringa rehe e whai wāhi matua ana ki ngā mahi toi whānui o Aotearoa.  I whānau ia i Ōtepoti, engari nō te taipakeketanga o tōna oranga ka pakari haere te hononga ōna ki Pōneke me Kāpiti.

Ko Isabel(1867-1950) te tuakana o Frances Hodgkins, ā, he ringa rehe tino pai anō hoki ia.  I moe ia i a Will Field(1861-1944) tētehi kaipāmu, kaipupuri whenua, kaitōrangapū hoki. I wehe tuatahi a Frances Hodgkins i Aotearoa i 1901 ki te whai me te whakapakari i tōna oranga hei ringa rehe ki ngā wāhi toi rongonui o Ūropi.  E toru ana hokinga mai kia kite i tōna whānau i waenga i ngā tau 1903 me 1912, nōna hoki i konei ka peita i te takoto o te whenua me te tangata o te kāinga, arā, ko The Goose Girl, 1905.  He mea tuku anō hoki ana whakaahua peita ki tōna whānau mā  rātou hei tiaki, hei pupuri hoki mō ngāwhakamātakitaki ki Aotearoa me Ahitereiria.  Ko ēnei whakaahua peita te pūtake o te Field Collection, e whā tekau mā whā whakaahua peita ka noho ki Kāpiti.

He tino hoa a Frances ki Isabel, he matemate ā-one hoki nōna ki te moutere o Kāpiti me te takoto o te whenua, ka mutu, i kōrerongia ko Waikanae hei kāinga tupuna mō tō rātou whānau i muri mai o te matenga o tō rātou māmā aroha nui, o Rachel i nehua ai i konei i 1926.  I muri noa mai i te matenga o Frances Hodgkins i Ingarangi i 1947, i whakahokia ōna pungarehu ki te kāinga, ā, i nehua ki te wāhi nō te whānau Field i te urupā o Waikanae.

Ngā Whakaahua

Pāwhiria te whakaahua kia whakanui.