Te Whare Karakia o St Luke

1 Tiriti o Elizabeth, Waikanae

I 1877, i hangaia e te rangatira, e Wi Parata Te Kakakura te whare karakia o St Luke’s ki Tuku Rākau, i te rori o Te Moana, e pātata ana ki te rori o Greenways kei Waikanae.  Nā te raina rerewhenua o Manawatū i whakarerekē te kaupapa o te kāinga i Waikanae ā, i 1886 ko te nuinga o ngā mahi i tū ki te taha o te teihana rerewhenua.  I 1898 i tōia te whare karakia ki te wāhi e tū nei ia ināianei.  Nō taua wā rā, kua tata tonu te korehāhā o Tuku Rākau.  I 1906 te whare karakia i whakatapua ai e Bishop Wallis.  Tae noa atu ki taua wā, i whakahaerengia te nuinga o ngā mahi e te hunga reimana, i roto hoki i te reo i te nuinga o te wā.  I 1914 ka tīmata te mahi hanga i tētehi hōro.

I whakatūngia te pātū toka me ngā kēti i 1958 hei wāhanga nō te rau tau o te Diocese o Te Whanganui ā Tara.  E toru ngā rākau whakamaumahara i whakatōngia, he kauri mō Bishop Abraham, te Pīhopa tuatahi o Te Whanganui ā Tara, he rākau pūriri mō Pīhopa Wallis, ā, he tōtara mō Pīhopa Hadfield.  I tū ngā whakahoutanga matua o te whare karakia i 1977 me 1985.  He mea whakauru ētahi wāhanga o te whare karakia tūturu ki te mea o naiānei, inā rā ko te pourewa pere.  E whakaatu ana ngā matapihi i te wāhi tapu i a Octavius Hadfield rāua ko Wīremu Parata.  E takoto ana a Wiremu Parata ki tōna whānau i te taha raki o te whare karakia.