Te Hākari Paraoa Parai o te Whānau

E kaingākau ana ngā whare pukapuka o Kāpiti ki te whakamānawa i a Matariki, ā, mā te aha i te hākari o te whānau.

He wā whakanui, noho tahi, tohatoha, aroha, me te hākari a Matariki.

Tēnā, tīkina tētahi pēke e tunua ai he hākari paraoa parai mō tō whānau, kia mihia a Whaea June Davis me tāna tohutao rongonui

I a koe e pokepoke ana i te paraoa, kia hoki ō mahara ki ngā tohutao kua tuaritia tahitia e tō whānau me ō hoa. Mā te tuari tohutao me te kai e kotahi ai te iwi.

Mānawatia a Matariki! 

I tēnei tau e whakamānawatia ngātahitia a Matariki rāua ko Puanga, me tōna tūrama i te tau e kainamu mai nei. Tukua tēnei mahi māmā kia rongo ai koe i te hiratanga o Matariki i a tātou ka huri ki te tau e tū mai nei.

I roto i ngā kōrero o ētahi iwi, nā te moetanga a Puanga rāua ko Rehua (ngā whetū o te Hōtoke me te Raumati) ka puta ko Puawānanga. Ka puāwai a Puawānanga i te Koanga - he tohu o tōna orokohanga.

Mai i ngā pua rerehua ka whanake ngā kākano ka puhia e te hau. Kia rite mai, ka haria e te hau, e Tāwhiri, ki ōna whenua hou, whenua haumako.

I a koe e waihanga ana i tō ake Puawānanga, whakamahia ngā rauemi e hahua ake ai ngā mātāpono o Matariki:

Matariki Hunga Nui

Whakamahia ngā tā, ngā pene, me ngā kutikuti hei whakanui i rātou mā kua riro nō te tau kua hipa.

Hokinga mahara

Matariki Ahunga Nui

Kia pau tēnei wā auaha kia whakanuia ngā tāngata e piri nei ki a koe.

Whakanuia te nāianei

Matariki Manako Nui

Herea he taura ki tō puawānanga, ā, mātakina te puhinga o ngā kākano me ngā manako e te hau ki anamata.

Titiro ki anamata

Mau Ake Nei – Haria atu ō wawata ki tua

 Matariki Hunga Nui, Matariki Ahunga Nui, Matariki Manako Nui. He wā hokinga mahara, he wā whakanui, he wā ki te aro ki anamata. E whakatinanahia ai tēnei aro ki anamata, e whakaaro hoki ai mō ngā wawata mō te tau e tū mai nei, e waihangatia ana he pouaka taonga.

Mā te whakamahi i ngā whārangi o mua, ka rawekehia e mātou kia hua mai ai he āhua hou, e whai oranga anō ai rātou. Mā te hangarua o ngā rawa nei, ka waihangatia he pouaka hei kawe i ō tātou wawata kōpīpī (i etahi wā) ki tua.

I a koe ka whai i ngā tohutohu mō te pouaka taonga nei, kia māharatia ngā mea hira rawa atu ki a koe, ā, me pēwhea hoki e puāwai ai ēnei wawata ōu.  He aha ngā mea ka noho ki tō pouaka taonga nei?

He aha atu anō ngā mahi?

Ka whakaratohia e ngā whare pukapuka ngā mahi hararei kura e whai wāhi mai ai ngā tamariki katoa. Ko te whāinga, kia whai āhuru mōwai mō ngā tamariki matea rongorongo, waihoki, kia whāia te ara kōrero ā te wā e wātea ana.