Whakamaumaharatanga ki a Will Scotland

Wāhi Okioki, ki te pitonga o te arahanga waka, SH1, Ōtaki

He whakanui tēnei i te rerenga wakarererangi tuatahi i te rohe o Te Whanganui ā Tara, 29 o Hānuere, 1914.

I whānau a Will (James William Humphrey) Scotland i Paihia, 1891. Nō 1913 a ia i whakawhiwhi ai ki tana raihana kaiurungi i Britain, nā, ko ia te kaiuru tuarua o Aotearoa kia whiwhi i te British Aviaition Certificate. I hoki mai ki Aotearoa me tētahi waka rererangi Caudron, ā, nāna te rerenga whakawhiti tuawhenua tuatahi i Aotearoa, ina rā te rerenga atu i Invercargill ki Gore, mai i Timaru ki Ōtautahi i roto i te 2 hāora, 15 mēneti.

I te 21 o Hānuere 1914, i tae mai te waka Caudron ki Ōtaki mai i Te Whanganui ā Tara. He mea whakahuihui i tētahi tēneti nui i te whenua o Mr Baucke, e 1.5 kiromita mai i tēnei wāhi. He mea whakahuihui te waka e Ray Mann rātou ko Jack Ropata, ko Mr Thorndon. E toru rā i muri mai i whakamātau a Scotland ki te whakahaere i te waka rererangi, heoi anō i hē nā te mea i mau tētahi skid i roto i tētahi rut, ā, i pakarū hoki tētahi spar. I te 29 o Hānuere i tika te waka rererangi, ā, i angitū a Scotland te rere i te rerenga 20 mēneti e rere āwhiowhio e rima rau pūtu i runga ake o tētehi pārae. Ka kitea te hurirere nō tōna waka rererangi Caudron i te Whare Tāonga Waka Rererangi i Paraparaumu.

I whai wāhi matua a Will Scotland ki te āwhina i a Henry Wigram ki te whakatū i tētehi kura whakangungu kaiurungi ki Sockburn(Wigram), ā, i 1918 i huri haere i Amerika, i toro atu ki ngā kura waka rererangi, i ngā karapu waka rererangi me ngā wheketere waka rererangi. I 1919 i motu katoa i a Scotland tōna hononga ki te ao rererangi, ā, i hono atu kē ia ki tētehi kamupene inihua i Palmerston North. I mate ia i Melbourne, Ahitereiria, e 72 tau tōna pakeke.