Te Puni Hauora Tamariki o Ōtaki

English

Huarahi o Puni Hauora, Takutai o Ōtaki

I whanake ake te kaupapa puni hauora o Aotearoa i ngā māharahara mō te āhua o te hauora me te manaaki i te tamariki i te tīmatanga o te rau tau rua tekau.  I puta mai te mōhiotanga hou, he tokomaha ngā tamariki kāore i tino puta ki te hau pai, i whitikia e te rā, i kai rānei i te kai whaipainga.

Ko tēnei te Puni Hauora Tamariki tuatahi i tūwhera mai i 1932.

I toko ake te kaingākau o Dr Elizabeth Gunn, Āpiha Kura Tākuta i Wanganui, ki ngā puni mō ngā tamariki i muri mai o tōna wā i te ope taua(1916-18).  Nāna i whakarite tētahi puni hauora angitū i raro tēneti i ia raumati mō ētahi tau tini i Turakina.

1929

  • He mea whakatū te Wellington Children’s Health Camp Association e Dr Ida Paterson, Kaiwhakahaere o te Kura Tikanga Akuaku. 
  • Nā Byron Brown, kaipakihi, rakahinonga o Ōtaki, i takoha atu he whenua e whā eka(nō muri mai ka piki ake ki te 70 eka) pātata ana ki te Takutai o Ōtaki.
  • Nō Mrs Christen Neilson o Norsewood te whakaaro kia whakaputaina he pane hauora hei tautoko i ngā puni.  He mea hoko atu i ia tau, mai i 1929, ā, he nui hoki te wāriu o ētahi.

1932

  • E rua ngā whare tapawaru i te Hōhipera o Rotorua i nekehia ki te wāhi i Ōtaki.  E 60 moenga o ia whare.  He mea kōwhiri ngā tamariki e ngā kaimahi kura tākuta, ā, i ahu mai rātou i Te Whanganui a Tara, i Ngāmotu me te matau a Māui.  Tokomaha rawa i pohokore, nā te rawakore, nā te māuiui rānei.  E ono wiki e noho ana ki reira, ā, i tino whai oranga nā te whaipainga o te kai, te nui o te moe, te tākaro ki te taha tai me ētahi hāora ruarua i ia rā ki te ako.

1941-45

  • Ka riro i te Pōari Hōhipera o Te Whanganui a Tara, te puni nei hei hōhipera ohotata wā pakanga.

1945

  • I tūwhera anō te puni hauora me tōna kaupapa hou e arotahi ana ki te taha hinengaro me te taha tinana.  Ināianei, ko te katoa o te hauora e arohia ana, taha tikanga, taha hinengaro, taha tinana o ngā tamariki.