Urupa Rahui o Arapawaiti
| English |
E hāngai ana ki 338 Tiriti o Manly, Takutai o Paraparaumu
He urupā whānau te urupā o Arapawaiti nō ngā uri o Thomas Wilson. Kei tētehi wāhi whenua e kīia ana ko Ngārara Poraka Hauāuru te urupā. Ko te kāinga ūkaipō o te whānau e karangatia ana ko Arapawaiti, e pātata ana. I mōhiotia i te rohe ko Ferry Inn nā te mea he hōtera tōna whakamahinga tūturu. 
He kāpene whaiwhai wēra a Thomas Wilson i runga i te Deveron, nāna hoki a Arapawaiti i whakatū i te takiwā o te tau 1849. He mea whakatū ki te taha o te awa o Waikanae mō te hunga haereere, whakaeke hoki i ngā wakatō hoihō i haere i te nuku o te taha tai. I ēnei rā e noho tonu ana te whānau ki te kainga ūkaipō. Ko Thomas Wilson hoki te kaimahi poutāpeta tuatahi o Waikanae i 1865.
Kāore e mōhiotia te wā tuatahi i whakamahia ai te urupā. Arā ngā kōrero e mea ana kei reira e nehungia ana ētehi toa Māori nō ngā pakanga i pakangatia ai i taua rohe. E ai ki ngā rēkoata, ko Thomas Wilson pea te mea tuatahi o te whānau i nehungia ki reira i 1878.