Barry Hadfield Nikau Reserve - Te Reo

English

Ko Barry Hadfield (1925-2012), he manukura he kaitōrangapū, taha ōhanga, taha tikanga ā-iwi hoki i Kāpiti, nāna tonu i takoha te whenua i rāhuitia ko Nikau Reserve.

He mokopuna ia nā te mihingare tuatahi o Kāpiti, nā Octavius Hadfield.  I tupu ake a Barry Hadfield i te pāmu o tōna whānau i Ōtaihanga.  I mōhiotia ko Lindale, i toro atu te pāmu nei ki ngā taha e rua o te huarahi matua. I  I948 i moe ia i a Nina Howell, ā, he mea whakatupu e rāua tahi ā rāua tamariki tokowhā ki taua pāmu.

He mema ia nō te Komiti o te kura o Paraparaumu, te Pōari o te Kāreti o Kāpiti me te Kōmiti o te tāone o Paraparaumu.  Nā konei i pōtingia ai ia ki te Hutt County Council i 1965.

Nāna, nā Hadfield i kōkiri kia tū mana motuhake a Kāpiti hei tāone, ā, i pōtingia ai ia hei koromatua tuatahi i te tau 1974.  E rua ngā wā o te koromatuatanga i  tū ai ia.  I raro anō hoki i tōna mana arataki i whanake mai ko te tukunga wai me te pūrere parakaingaki o te tāone, ā, nāna hoki i karapinepine mai ngā pakihi hou ki Kāpiti.  Mai i 1978 ki 1984, i tū ia hei mema nō te Kōmihana Kāwanatanga ā-rohe.

Ko Barry Hadfield te kaiwhakahaere tuarua o te Poari Kaitiaki ā-rohe o Kāpiti i tū nei  i a rātou te Marire Home me te Sevenoaks Retirement Village.  I ngā tau mutunga o ngā tau 1980 i whakawhanaketia e ia te Lindale Centre.  He mema ā-mate noa ia nō te Karapu Kirikiti o Paraparaumu, a he Rotarian hoki.

I 2011, i tomokia e ia te Hōro Rongonui o Kapiti-Horowhenua Business, ā, i te tau i muri mai, i whakawhiwhia ia ki tētehi tohu mō te Koromatuatanga o Kāpiti.  I te tau 2015 i whakahoungia te ingoa o te reserve ko ‘Barry Hadfield Nikau Reserve’ .