Nga Puni Taua Moana o Amerika

English

I te wā o te Pakanga Tuarua o te Ao, he wāhi matua a Paekākāriki mō ngā hoia Taua Moana e whawhai ana i te Pakanga o Te Moana nui ā Kiwa. I te taenga mai o ngā hoia Taua Moana tuatahi ki Pōneke, he nui rawa te pōhiri ki a rātou i te 14 o Hune, 1942. I muri mai o te taunga ki Aotea Quay, ka whakaritea he taputapu, ā, ka tere te whakarite i tētehi whakatūtūtanga i mua i te haerenga ki ngā puni ki te whakawhitinga o Mackays.

E toru ngā puni matua, i reira katoa, e tūtata ana rānei ki Te Papa Rēhia o Queen Elizabeth o nāianei. Ko Camp Russell, i roto tonu o Te Papa Rēhia o Queen Elizabeth, e tūtata ana hoki ki te tomokanga o te whakawhitinga o Mackay. Koinei te wāhi o Ngā Hoia Matua Tuarua. Ko Camp Mckay, kei tāwāhi o te huarahi matua, ko te Pāmu o Whareroa ināianei, te wāhi o te Hoia Matua Tuaono. Ko Camp Paekākāriki, i te pito ki te tonga o te papa rēhia, te wāhi o te Hoia Matua Tuawaru. I tētehi wā neke atu i te 20,000 hoia Marikana e noho ana i te rohe.

Ko te whakangungu, te whakatā me te tākaro mō ngā mea i hoki mai i te wāhi whawhai o te Pakanga o Te Moana nui ā Kiwa te take o ngā puni. He pai ngā maunga tūpoupou huri noa o Paekākāriki mō te tāwhaiwhai me te haratau i te mahi mortar. Ko ōna ākau anō hoki hei whakatū whakaekenga ika oneone.

Hei whakamaharatanga ki ngā puni me te whakanui i te āwhinatanga o ngā hoia Taua Moana ki tō tātou rohe, i whakatūngia e te Kaunihera ā Rohe o Pōneke tētehi papa maharatanga, he haki, he papa whakamārama ki Te Papa Rēhia o Queen Elizabeth.