Te Huarahi Matua Kotahi Rautau

29 Huarahi Matua 1, Paekākāriki

He mea whakatūwhera te Huarahi Matua Kotahi Rautau i te 4 o Nōema 1939. Ko tōna roanga mai i te Apiti o Ngauranga ki te pito tonga rānō o Paekākāriki, ā, i hangaia hei huarahi kē ki te Rori o te Hiwi o Paekākāriki.

Ahakoa nō te rohe tonu te nuinga o ngā kaimahi o te rori, i whakatūngia hoki he puni Mahi Tūmatanui. Ko tētehi ki Plimmerton ki te taha rāwhiti o te raina rerewhenua me tētehi ki Taua Tapu, e tata ana ki te Rori o Airlie. I riro nā ngā kaimahi o aua puni rā te kawenga nui mō te hanga i te rori e rere ana i te taha o Taupo Swamp, i Pukerua Bay, ā, i taha o te takutai ki Paekākāriki. He mea hanga hoki mō tēnei kaupapa tētehi pātū moana takutai kotahi maero te roa. E rua ngā wero nui; te keri iho ki te 20 pūtu kia tae atu ki te papa totoka ki te taha o Taupo Swamp ka tahi, ka rua, ko te mahi i te takutai, ao noa, pō noa, ki te hanga i te pātū takutai. Ka mutu, he whakakī haere kia taea ai te hanga i tētehi atamira mō te rori. E toru rā ki te whakaoti i tēnei mahi uaua.